Një i vdekur e tre persona janë shpallur në kërkim, pasi një ndërtesë është shkërmoqur e tëra. Ngjarja në fjalë është shënuar në New Orleans, pasi një hotel në ndërtim e sipër është shembur.
WATCH: Incredible video captures the moment the construction site for the Hard Rock Hotel in downtown New Orleans collapsed. (Video: Michael Dalle) pic.twitter.com/lmt4RGThNw
— 10News WTSP (@10NewsWTSP) October 12, 2019
Hoteli i ri, “Hard Rock” ndodhet në Rrugën Canal, shumë pranë qendrës së qytetit, dhe një vend i vizituar shumë nga turistët. Ky objekt pritej të hapej në pranverë të vitit 2020, dhe do të kishte 350 dhoma për klientët si dhe 62 dhoma të lira për blerje.
Pas rrëzimit, në vendin e ngjarjes shkuan me urgjencë ekipe të departamentit të zjarrit dhe policisë, ndërsa autoritetet konfirmuan më vonë me anë të një konference për shtyp se një person ka ndërruar jetë, ndërsa tre të tjerë po kërkohen.
Disa nga punonjësit e ndërtimit ishin ende duke punuar kur ndodhi incidenti, ndërsa ende nuk ka një shifër zyrtare për të plagosurit.
