Futboll

Pamje fantastike/ Në fazën finale, ja si duket “Arena Kombëtare”


               Publikuar në : 09:34 - 16/06/19 Enno

“Arena Kombëtare” shumë shpejt pritet të jetë gati për të pritur kuqezinjtë që të zbresin tapetin e blertë. Nëse gjithçka shkon ashtu si është programuar, ndeshjen e parë që do të zhvillohet në stadiumin e ri do të jetë përballë kampionëve të botës, Francës.

Teksa konstruksioni metalik apo pjesa e betonit ka përfunduar, tani është koha e montimit të mjeteve që do të jenë në shërbim të skuadrave apo edhe tifozëve.

Arben Dervishaj, anëtari i Komitetit Ekzekutiv në FSHF, ka publikuar dje në rrjetin social foto nga punimet e jashtme dhe të brendshme në stadiumin e ri kombëtar, periudha për përfundimin e të cilit nga drejtuesit e institucionit të futbollit është deklaruar muaji shtator.

PUNIMET

Fasada e stadiumit është futur në fazën finale teksa ka mbetur fare pak për ta mbështjellë impiantin me dizenjon e vendosur që në projektim. Ndërkohë, me të njëjtin ritëm është edhe pjesa e punimeve në pjesën sportive. Prej ditësh ka nisur vendosja e stolave, ku 22000 të tillë pritet të skuqin shkallët e impiantit modern në Tiranë.

Jo vetëm kaq, por edhe pjesa e montimeve në pjesën e dhomave të zhveshjes po ecën me ritme të shpejta. Është drejt përfundimit faza e lyerjes së ambienteve të brendshme, ndërkohë që po bëhet nga dita në ditë kompletimi i dhomave të zhveshjeve dhe tualeteve.

Gjithashtu, punimet me lyerjen apo edhe me montimin e pjesës elektrike kanë vijuar me ritëm edhe në katet e sipërme të tribunave.

Kthehu
WhatsApp Denonco ne TT