Një tërmet me magnitudë 6.3 i shkallës Rihter ka ‘shkundur’ Kroacinë vetëm pak minuta më parë.
Sipas EMSC, epiqendra e tërmetit ishte rreth 42 kilometra në juglindje të Zagrebit.
Momentalisht mediat raportojnë se nga lëkundjet e forta, janë shkaktuar dëme materiale. Si pasojë e tërmetit, shumë ndërtesa janë shembur, makinat janë dëmtuar nga inertet. Ende nuk ka njoftime zyrtare për të lënduar.
Një ditë më parë, një tërmet me magnitudë 4.9 rihter u regjistrua në Kroaci, duke shkaktuar dëme në disa banesa.
