Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha se sondazhet që ai ka bërë tregojnë se pjesa dërrmuese e demokratëve e duan që të udhëheqë betejën kundër “regjimit Rama-Doshi-Rakipi”.
Basha u shpreh se e ka të lehtë të mbushë sallën me mbështetës të tij, por nuk dëshiron që të vendosë në pozita inferioriteti Sali Berishën. E ndërsa Paloka e këshillon Bashën që të mos japë dorëheqjen, por të ndalë përçarjen në PD.
Statusi
Lul!
Ne se ke bindjen se 95% e demokrateve te mbeshtesin, atehere na e hiq kete siklet ku na ke futur te gjitheve . Mos jep doreheqje, ne se ke bindjen qe ke vepruar drejte dhe per kete ke mbeshtetjen e 95% te demokrateve, kerko votebesimin e tyre dhe ndale percarjen qe po thellohet cdo dite e me shume prej vendimit tend personal te 9 shtatorit! Ne se 51 % e jo 95 % e demokrateve te mbeshtesin, ke gjithe legjitimitetin te vazhdosh ne krye te PD e te gjithe demokratet kane detyrimin te bashkohen per te bere betejen me ate qe eshte armiku jo vetem i demokrateve po i gjithe shqiptareve, Edvin Kristaq Ramen! Po per kete , pas situates qe eshte krijuar, me pare duhet te marresh votebesimin e demokrateve. Vota e atyre qe perfaqesojme duhet te vendose per te gjithe ne!
