Kreu i Grupit Parlamentar të PD-së, Edi Paloka, i është përgjigjur thirrjeve të ambasadorit të BE-së, Luigi Soreca, për “protestë paqësore”. Ai tha në një prononcim për mediat se atë që kërkon opozita lidhet me zgjedhjet e lira e të ndershme, dhe se protestat janë të qytetarëve.
“Ne kërkojmë që t’ju krijojmë shqiptarëve kushte për zgjedhje të lira dhe të ndershme. Ky show, s’ka më asnjë vlerë. Në emër të shqiptarëve ata nuk mund të marrin më asnjë vendim. Protestat janë të qytetarëve. Mos i kërkoni shqiptarëve asgjë që s’do të kërkonin për qytetarët e tyre”, u shpreh Paloka për median.
“Ky Parlament nuk përfaqëson ata që dikur mund ta kenë votuar PD. Pasi e rrethuan me tela me gjemba, sot kanë kaluar në ilegalitet të plotë për të shpëtuar kokën (politikisht) të Edi Ramës. Ai tjetri ikën, vazhdon fushatën në Lushnje. Sot të jeni të bindur se me këtë strategji nuk do të shkojnë gjëkundi”, përfundoi ai.
