Komisioni i Medias ka rrëzuar dekretin e Metës për paketën “Anti Shpifje”. Komisioni i Mediave ka votuar kalimin pa ndryshime të ligjit në Parlament.
Kujtojmë këtu se Kreu i Shtetit, Ilir Meta, ktheu për rishqyrtim në Kuvend paketën “Anti Shpifje”. Meta shprehej se ligji i miratuar shkel parimet themelore kushtetuese të një shteti demokratik.
“Shkel të drejtën e lirisë së shprehjes, së shtypit dhe të drejtës së informimit”. Sipas Ilir Metës, paketa e miratuar është në kundërshtim me jurisprudencën e Gjykatës Kushtetuese.
Gjithashtu ai thekson se “shkel standardet e Konventës Evropiane të të Drejtave të Njeriut”.
