Pas postimit të kryeministrit Rama, i cili shprehej se kishte nisur procesin gjyqësor ndaj gazetarit gjerman Peter Tiede, ky i fundit ka reaguar përsëri.
Nëpërmjet një postimi në Facebook, gazetari gjerman deklaron se Rama ka kontraktuar një nga avokatët më të shtrenjtë në Gjermani për ta përfaqësuar në këtë çështje.
“Oh, zoti Rama … Çmenduri: Kryeministri i Shqipërisë Rama dëshiron të më padisë mua. Ai tashmë ka të paktën një avokat – në fund të fundit, një nga ato më të shtrenjtët në Gjermani … por ai nuk ka më shumë …”, shkruhet në postimin e tij.
Më tej, ai ironizon kryeministrin duke thënë se edhe pse zgjedhjet janë anuluar ai vazhdon me takimet elektorale i shoqëruar nga 1000 forca policie.
Më herët, gazetari Tiede, reagoi pasi kryeministri Rama njoftoi se e ka hedhur në gjyq atë për publikimin e përgjimeve.
Gazetari gjerman i është përgjigjur Ramës po në postimin në Tëitter, ku kryeministri njoftoi rreth padisë, ndërsa i shkruan se po e padit për publikimin e audio-përgjimeve të vërteta.
“Dhe çfarë më akuzoni? Për publikimin e audio-përgjimeve të vërteta?”, ka shkruar ai.
Postimi i plotë në Facebook:
Oh, zoti Rama … Çmenduri: Kryeministri i Shqipërisë Rama dëshiron të më padisë mua. Ai tashmë ka të paktën një avokat – në fund të fundit, një nga ato më të shtrenjtët në Gjermani … por ai nuk ka më shumë …
Ndërkohë, ai ka bërë fushatë për zgjedhjet e anuluara – të mbrojtura nga më shumë se 1000 oficerë policie…
