Situata në spitale ka sjellë sërish përplasje mes Ramës e Bashës. Kryedemokrati Basha hedh poshtë pretendimet e kryeministrit Rama, se janë marrë masat për të përballuar fluksin e të infektuarve me koronavirus. Kreu i PD-së ka publikuar qëndrimet e disa qytetarëve, të cilët shprehin zhgënjimin me sistemin shëndetësor.
“Ja çfarë thonë familjarët e të sëmurëve. Faktet flasin vetë dhe tregojnë të vërtetën ashtu siç është. Pasi shkatërroi ekonominë, Rama e humbi kontrollin ndaj pandemisë dhe po shkatërron jetët dhe shëndetin e familjeve shqiptare”.
