Shefja e Departamentit të Parandalimit dhe Kontrollit të Sëmundjeve Infektive në ISHP, Silva Bino bëri me dije se ka shkuar në 49 numri i pacientëve të shtruar në spitalin Infektiv aktualisht.
Përmes një deklarate për mediat, Bino thekson se vetëm tre pacientë ndodhen në reanimacon, ndërsa dy prej tyre janë në gjendje kritike për jetën.
Lidhur me viktimën nga Kuçova, Bino tha se infektimi i tij ka ndodhur në Tiranë, e në këtë qytet nuk ka pasur zinxhir të infeksionit deri më tani.
Bino deklaroi se 5 prej pacientëve të konfirmuar me koronavirus janë shëruar.
Ministria e Shëndetësisë njoftoi shtimin e 15 rasteve të reja me koronavirus në Shqipëri, duke e çuar në 104 numrin total të të prekurve.
Deri më tani janë shënuar 4 viktima nga koronavirusi, ndërsa një pacient ka pësuar vdekje klinike dhe është në gjendje të rëndë shëndetësore.
