Kryeministri Edi Rama nuk ka preferuar të qëndrojë në Tiranë, kur opozita ka organizuar një protstë masive dhe kërkon largimin e tij. Protesta e cila filloi te Kryeministria dhe më pas u zhvendos te Parlamenti është shoqëruar me disa incidente, ku janë plagosur katër policë.
Rama me anë të një reagimi në Twitter mbështet efektivët e policisë të cilët po përballen me goditjet qorre të dy partive të verbuara, që marshojnë në rrugën e vetëshkatërrimit.
Reagimi i Ramës:
Solidaritet me çdo punonjës policie që në ditë si kjo, duhet të përballet me ekseset fizike të një politike të dëshpëruar, pa kokë, pa drejtim, pa të nesërme! Keqardhje për policët e plagosur nga goditjet qorre të dy partive të verbuara, që marshojnë në rrugën e vetëshkatërrimit.
https://twitter.com/ediramaal/status/1117131565530796032
