Sfida mes Arsenalit dhe Manchester City-t, e cila u zhvillua më 15 dhjetor nuk u transmetua nga televizioni shtetëror i Kinës “CCTV”. Sepse sulmuesi i Arsenalit, Mesut Ozil kritikoi Pekinin për shtypjen brutale të myslimanëve ujgurë në rajonin e Ksinjiangut.
Po ashtu, Ozil lëshoi kritika edhe ndaj vendeve të tjera myslimane që nuk ngrihen kundër abuzimeve që përfshijnë internime të detyrueshme dhe tortura.
Pikini ka reaguar lidhur me deklaratën e futbollistit, të cilit i bën ftesë që të shkojë e të vizitojë rajonin kinez të Ksinjiangut.
“E ftojmë zotin Ozil ta vizitojë Ksinjiangun e Kinës dhe ta shohë vetë. Nëse ka ndërgjegje, ai mund ta bëjë dallimin e qartë midis së mirës dhe së keqes”, tha zëdhënësi i Ministrisë së Jashtme kineze, Geng Shuang.
Grupet e të drejtave të njeriut thonë se rreth një milionë njerëz, kryesisht nga komuniteti mysliman ujgur, mendohet se mbahen të burgosur në kampe të sigurisë së lartë në Kinë.
