Për të caktuar datën e zgjedhjeve lokale, pritet që sot presidentja e Kosovës, Vjosa Osmani, të fillojë diskutimet me partitë politike.
Këshilltari për media i presidentes, Bekim Kupina, ka deklaruar se vetëm pas konsultimit me partitë, do të vendoset edhe data e zgjedhjeve.
Osmani do të takohet me përfaqësues të AAK-së në orën 17:00, ndërsa ende nuk dihet agjenda e plotë sa i takon takimeve edhe me partitë e tjera.
Sipas ligjit për zgjedhjet lokale, sipas kompetencave të Presidentit të Kosovës të përcaktuara me Kushtetutë, vendimi për të caktuar datën e zgjedhjeve bëhet jo më vonë se katër muaj dhe jo më herët se gjashtë muaj, para datës së zgjedhjeve.
Zgjedhjet nuk mund të mbahen më herët se 60 ditë para përfundimit të mandatit, dhe jo më vonë se 30 ditë pas përfundimit të mandatit.
