OSBE, përmes një postimi në Facebook, shkruan se vonesat në propozimin e komisionerëve pengojnë trajnimin e tyre dhe vënë në rrezik zhvillimin e procesit zgjedhor.
Prezenca e OSBE-së në Shqipëri i është bashkuar thirrjes së KQZ-së, për dorëzimin e propozimeve për emrat e anëtarëve të KZAZ nga ana e partive politike për zgjedhjet e 30 qershorit.
Ndërsa, theksojnë se zgjedhjet janë e vetmja mënyrë për të ardhur në pushtet dhe partitë politike janë përgjegjëse për kredibilitetin e zgjedhjeve.
“Prezenca e OSBE-së në Shqipëri i është bashkuar thirrjes së KQZ-së, drejtuar partive politike, për të propozuar komisionerë për Zonat e Administrimit Zgjedhor. Vonesat në propozimin e komisionerëve pengojnë trajnimin e tyre të rregullt dhe, si pasojë, vënë në rrezik zhvillimin e procesit zgjedhor në përputhje me standardet ndërkombëtare. Zgjedhjet janë e vetmja rrugë për të ardhur në pushtet dhe partitë politike janë përgjegjëse për besueshmërinë e zgjedhjeve në sytë e zgjedhësve shqiptarë”, shkruhet në postim.
