Pritjes i ka ardhur fundi, dhe nesër pritet që të ristartojë “Big Brother Vip Albania”, një reality-show shumë i kërkuar. U bë një kohë e gjatë që ndjekësit e pyesin Arbanën se kur do të fillojë spektakli, por tashmë këto janë orët e fundit, pasi e marta zyrtarizon çdo gjë. Ndonëse produksioni është kujdesur të mos dalë asnjë emër, shumë prej vipave përfliten se do jenë pjesë e kësaj gare.
Për ata që kanë pranuar të bëhen pjesë e lojës, “Big Brother VIP” ka filluar që sot. “Prej 24 orësh të gjithë banorët janë izoluar në dhoma të veçanta në hotel, pa telefon dhe pa mundësinë për të komunikuar me askënd veç produksionit”, ka njoftuar Arbana Osmani.
