Sekretari i Përgjithshëm i Partisë së Lirisë, Tedi Blushi, ka reaguar pas deklaratave të kryeministrit Edi Rama, i cili theksoi se Ilir Meta është në hall prej kohësh. Në një bashkëbisedim me qytetarët dhe gazetarë, Rama tha se Meta është një hall i madh për Shqipërinë. Në kundërpërgjigje, Blushi thekson se Meta është në hall për organizatën kriminale të kryeministrit Edi Rama që ka kapur shtetin. Sipas Blushit, halli i Ramës janë inceneratorët.
Statusi
Ilir Meta është vërtet një hall i madh për organizatën kriminale me Edvin K. Ramën në krye, që ka kapur shtetin, vjedh pa mëshirë popullin e Shqipërisë dhe nxit shpopullimin e saj.
Halli i Edvin K. Ramës janë inceneratorët ku do përvëlohet vetë, janë fashikujt e përgjimeve të telefonatave të tij me kriminelët dhe oligarkët, (edhe kur flet me celularët e ministrave dhe vartësve), aferat dhjetëra milion euro ku është zhytyr kokë e këmbë, janë pastrimi i parave të karteleve të drogës, nxjerrja në pazar e kufijve dhe tradhëtia ndaj Kosovës.
Falsifikimet e trasha të Autoritetit të Manipulimit të Dosjeve me të cilat edhe Spiro Koleka nga bota tjetër buzëqesh, nuk e shmangin dot vëmendjen nga skandalet.
Edvin K. Rama ora e llogaridhënies po të afron! Është më afër nga sa e mendon!
