Kreu i Partisë Demokratike, Lulzim Basha në një deklaratë për mediat pasi firmosi një koalicion opozitarë me partitë e tjera u shpreh se kriza politike zgjidhet vetëm me qeveri tranzitore. Misioni i këtij koalicioni do të jetë formësimi i përbashkët me të gjithë faktorin qytetar për reformimin e sistemit të zgjedhjeve, për të rikthyer ekonominë në duart e shqiptarëve.
“PD ka përfunduar nënshkrimin e marrëveshjes së koalicionit politik opozitar të zgjedhjeve të ardhshme. Koalicioni do zgjerohet dhe është i hapur të ndërtojë lidhje me grupe interesi për ti dhënë Shqipërisë të ardhmen evropiane që meriton. Kjo duke i dhen fund krimit elektoral me zgjedhje të ndershme. Të kthejmë vendimmarrjen në duart e shqiptarëve, nuk do të ketë më qeveri fallso të kapur nga krimi, që ka detyruar shqiptarët të marrin një eksod të paparë deri sot. Të çojmë para reformën në drejtësi, të kthejmë gjykatat kushtetuese dhe ti shërbejmë ligjit me një standard dhe jo me dy standarde.
Qeveria e kapur nga krimi godet qytetarët e ndershëm dhe mbron oligarkët. Zgjedhje farëse nuk do të ketë nëse nuk dënohen krimet elektorale të Edi Ramës, duke filluar nga Vangjush Dako. Marrëveshja opozitare nuk është thjeshtë një konfirmim i mazhorancës së re politike morale, por një mision kombëtar për ti dhënë fund tranzicionuit, për të fituar standardin evropian në zgjedhje, në ekonomi e kudo. Akti i parë i këtij koalicioni do të jetë formësimi i përbashkët me të gjithë faktorin qytetar për reformimin e sistemit të zgjedhjeve, për të rikthyer ekonominë në duart e shqiptarëve. Kusht i panegociueshëm i këtij koalicioni është largimi i Edi Ramës dhe krijimi i një qeverie tranzitore e cila do të mundësojë përmes ligjeve zgjedhje të lirshme dhe të ndershme në duar të sovranit”, u shpreh Basha.
Basha pa përmendur emra, teksa është pyetur për partinë e re të Patozit, ka deklaruar prerë se “nuk do të ketë as opozitë false”.
“Gjeneza e të keqes ku ndodhemi, janë zgjedhjet false, nuk do të ketë zgjedhje false, parlament fals, dhe nuk do të ketë më as opozitë false”- ka thënë shkurt Basha.
