Kryetarja e LSI-së, Monika Kryemadhi ka komentuar nëse do të jetë pjesë e zgjedhjeve me Ramën kryeministër, duke iu referuar deklaratës së ish-deputetit Përparim Spahiu.
Ky i fundit tha mbrëmë në një emision se është i gatshëm të hyjë në zgjedhje të përgjithshme me Ramën që të dielën, pasi është i bindur se kryeministri nuk fiton.
Kjo deklaratë nënkuptoi se tashmë liderët e opozitës janë të gatshëm të hyjnë në zgjedhje edhe me Ramën kryeministër, duke anashkaluar krijimin e qeverisë tranzitore, aludime të cilat Kryemadhi i hodhi poshtë.
Pyetje: A do të ketë zgjedhje të lira edhe me Edi Ramën kryeministër, duke iu referuar një deklarate të Përparim Spahiut?
Absolutisht, nuk ka asnjë lloj tërheqje. Këtu nuk është problemi Edi Rama individ, këtu është problemi Edi Rama fenomen. Edi Rama nuk po flasim për të birin e Kristaqit dhe Anetës, por po flasim Edi Rama i cili është telekomanda e krimit të organizuar shqiptar dhe ndërkombëtar, i cili e ka kthyer Shqipërinë ne kështjellën mbrojtëse të grupeve kriminale.
