Kryetari i partisë Bindja Demokratike, Astrit Patozi, ka rikujtuar fjalën e tij të mbajtur në përvjetorin e pare të vdekjes së ish-ministrit dhe deputetit të PD, Sokol Olldashi.
Asokohe, në vitin 2014, Patozi thoshte se nëse opozita do të bëjë diferencën me qeverinë, atëherë duhet ta niste ndryshimin nga vetja.
Në atë fjalim, Patozi shtroi për herë të parë tezat se çfarë i mungonte opozitës së Partisë Demokratike dhe pse ajo nuk po bënte dot diferencën me qeverinë.
Koha i dha të drejtë, pasi Basha i humbi të gjitha zgjedhjet.
Postimi i Patozit në rrjetin social, Facebook
QË OPOZITA TË BËJË DIFERENCËN ME QEVERINË DUHET TA NISË NDRYSHIMIN NGA VETJA
Nëntor 2014. Në përvjetorin e parë të vdekjes së Sokol Olldashit, Astrit Patozi mban një fjalim fshikullues për sistemin e kapur politik dhe për ndryshimin që duhet të vijë nga opozita.
Aty shtron për herë të parë tezat se çfarë i mungon opozitës së Partisë Demokratike dhe pse ajo nuk po bën dot diferencën me qeverinë.
Koha i dha të drejtë, pasi këto përfundime rezultuan si shkaku kryesor që opozita e Bashës i humbi të gjitha zgjedhjet, që i dolën përpara, duke filluar nga ato lokalet në vitin 2015 e të gjitha të tjerat me radhë.
