Opozita e bashkuar do të zhvillojë ditën e sotme protestën e radhës përpara Parlamentit.
Ata kanë paralajmëruar protesta sa herë të ketë seancë plenare për të kërkuar dorëheqjen e kryeministrit Edi Rama dhe një qeveri tranzitore që do të përgatisë vendin për zgjedhje të parakohshme, sipas tyre të lira dhe të ndershme.
Përfaqësuesit e opozitës do të rrethojnë që në orën 09:30 sallën e seancave plenare, ku deputetët e maxhorancës dhe përfaqësuesit e rinj të opozitës do të mblidhen për diskutimin e projektligjeve.
Pas mbledhjes së kryesisë dhe ish-përfaqësuesve të Grupit Parlamentar të PD-së, Basha kërkoi mobilizim dhe angazhim maksimal nga drejtuesit politikë më të lartë në PD, duke e cilësuar si jo të mirë protestën e 21 shkurtit që opozita zhvilloi përpara Parlamentit.
Deri më tani, opozita ka organizuar 6 protesta para Kryeministrisë dhe Parlamentit.
