Në një takim të mbajtur gjatë pasdites së sotme me banorët në Lushnje, kryeministri Rama premtoi se nuk do të ndalet para çdo presioni, ndërsa vuri theksin tek drejtësia. Sa i takon djegies së mandateve, ai iu rikthye rastit të Myslym Murrizit, për të cilin lëshoi edhe një batutë.
“Qoftë në Divjakë, qoftë këtu, transformimi flet vetë. Hallet dhe problemet nuk kanë të sosur, por mjafton të kthesh kokën dhe kujton si ishte ky territor 4 vite më parë. Nëse nuk keni kohë që të ri të mendoj gjatë ku është dallimi mes nesh dhe atyre që janë arratisur nga detyra, për të përfaqësuar demokratët e Lushnjes. I vetmi me dy pare mend na doli Myslym Murrizi.
Mjafton të bëni krahasimin, kjo që është sot jemi ne. Me ata ka vetëm të shkuar. Ne dhe ju jemi e vetmja e bashkuar që mund të sjellë të ardhmen. Askush sot nuk merr rrogën që do donte të merrte. Duhet të jetë më e lartë.
Por që nga infermieret e tek mësuesit mjafton të bëjnë dy llogari. Deri dje paguanin më shumë taksa infermierët e mësuesit sesa kryeministri dhe zëvendëskryeministri.
E ketë e bëmë ne. Së bashku do bëjmë që të marrin edhe më shumë nesër, por hap pas hapi. E ndjej dhe e lexoj, e dëgjoj nga shumë njerëz që takoj se druhen se ne mos tërhiqemi.
Nga çfarë mund të tërhiqemi? Nga kontrata që kemi me ju. Ne nuk mund të tërhiqemi nga ky detyrim, që kemi marrë në bazë të kontratës të zgjedhjeve për ta çuar deri në fund reformën në drejtësi, aty ku fle lepuri.
Shumëkush është i paduruar, është dhe i mërzitur, se priste që gjërat të lëviznin më shpejt. Qeveria bën ose nuk bën atë që duhet për të pasur një sistem drejtësie të mirë”, tha Rama.
