Policia i ka dhënë leje opozitës vetëm 2 orë për të qendruar në rrugët e Tiranës. Ndonëse opozita ka kërkuar leje deri në mesnatë, kjo është refuzuar nga ana e Policisë së Shtetit, që ka lënë afat për mbylljen e protestës në orën 22:00.
Burimet bëjnë me dije se protesta e opozitës do të jetë në formën e marshimit, në mënyrë që të shmangen provokimet e dhunshme në ambientet përpara Kryeministrisë.
Edhe më herët, Partia Demokratike ka vënë në dukje se protesta do të jetë paqësore, mbështetur dhe nga LSI dhe partitë e tjera të opozitës, ndërsa qytetarët janë ftuar të jenë të pranishëm së bashku me fëmijët e tyre të mitur.
