Kreu demokrat, Lulzim Basha deklaroi se Partia Demokratike me aleatët e saj është fituese e zgjedhjeve të lira e të ndershme, kurdo që të mbahen ato.
Në një takim me strukturat në Fushë-Arrëz, Basha tha se 30 qershori i bashkoi shqiptarët krah opozitës, ndërsa shtoi se kryeministri Rama është braktisur nga socialistët.
“Përmes 6 muajsh protestash i kemi dhënë kurojo çdo shqiptari, kemi vetëdijësuar çdo shqiptar dhe sot pas 30 qershorit, nuk janë vetëm sondazhet ato që tregojnë PD dhe aleatët fitues të zgjedhjeve të ardhshme, të lira e të ndershme kurdo që të mbahen ato, por është vetë përmasa e 30 qershorit. Janë 85 përqind e shqiptarëve të cilët ushtuan me refuzimin e tyre në 30 qershor, thirrjen kombëtare: “Rama ik” dhe vulosën kësisoj aleancën më të madhe politike që ka njohur Shqipëria dhe shqiptarët që nga vitit 1992”, deklaroi Basha.
