Qytetarët e mbledhur në protestën para Kryeministrisë, kanë kundërshtuar fjalimin e njërit prej protestuesve, i cili përmendi opozitën dhe tha se ajo do t’i dalë Zot këtij populli. Pas kësaj deklarate, qytetarët janë revoltuar dhe kanë reaguar duke thënë ‘poshtë politika’.
Debati
“Poshtë politika, nuk ka parti”
“Jo opozitë”
“Lere opozitën, s’kemi punë me opozitën”
“Kemi dalë për veten tonë këtu”
“Nuk ka opozitë, nuk na duhet opozita. Nuk ka opozitë këtu, është populli”
“Në këto shkallë nuk flitet për asnjë parti, për asnjë kryetar, ky është populli”
Teksa po protesohet, Bordi i Administrimit të Karburantit vendosi që çmimi i naftës sot në çdo pikë furnizimi të jetë 217 lekë.
Bordi u krijua një ditë më parë me vendim qeverie, pas protestave masive që kanë nisur në të gjithë vendin.
Kryeministri Edi Rama ka deklaruar se çmimet do të kalojnë në filtrin e transparencës, për të mos lejuar asnjë abuzim në kurriz të qytetarëve, dhe marzhi i fitimit do të ngrijë.
