Ditën e nesërme opozita ka paralajmëruar zhvillimin e protestës së radhës. Ndryshe nga protestat e kaluara, ku protestuesit dhe ish-deputetët janë mbledhur para Kryeministrisë apo Parlamentit, këtë herë vijnë me një skenar ndryshe. Protesta do të përshkallëzohet duke bllokuar akset kryesore të vendit që lidhin Jugun dhe Veriun me kryeqytetin.
Dy forcat më të mëdha opozitare, PD dhe LSI kanë bërë të ditur se protesta do të nisë në orën 18:00. Zona e Jugut do të bllokohet në rrethrrotullimin e Sheqit në Fier. Do të bllokohet aksi që lidh Juglindjen me Tiranën, në rrethrrotullimin e Bradasheshit në Elbasan. Bllokime do të ketë edhe në autostradën Durrës-Kavajë. Protestuesit do të dalin në edhe autostradën e Milotit, e të tjerë do të bllokojnë hyrjen e Tiranës, te sheshi “Shqiponja.
