Gjenden 100 predha artilerie në Elbasan, pas një operacioni të ndërmarrë sot për zbulimin dhe evidentimin e municioneve.
Predhat u gjetën në Bradashesh nga xhenierë të Komandës Mbështetëse në FA. Ato janë transportuar për në poligon ku do të bëhet edhe asgjësimi i tyre.
Kërkesa për ndërhyrjen u bë nga Prefekti i Elbasanit, menjëherë pasi predhat u konstatuan në afërsi të lumit, ndërsa në operacion asistuan efektivë të Policisë së Shtetit.
