Anxhela Peristeri i ka mbuluar vetë të gjitha shpenzimet në “Eurovision”. Këtë detaj e ka zbuluar Olti Curri, pasi prazantimi skenik i saj mori vëmendjen e duhur. Olti Curri i cili ka shkruar tekstin e këngës ‘Karma’, i ftuar në emisionin ‘Tempora’, ka thënë se buxheti i kurimit skenik është mbuluar nga vetë Anxhela.
“Ky buxhet është përballuar nga Anxhela. Këtu Anxhela ka pasur dëshirë dhe e ka mbuluar Anxhela. Është një buxhet që nuk është i vogël”.
“Sasha (artistja që kuroi performancën skenike) u dashurua me performancën e Anxhelës”, është shprehur Olti Curri.
Interpretimi i Anxhela Peristerit me performancën elektrizuese në “Eurovision” më 22 maj, fitoi zemrat e të gjithë publikut evropian.
Shqipëria u shfaq me skenografi me efekte vizuale, të kuruara në detaje, që ndiqnin dhe shoqëronin lëvizjet e Anxhelës në skenë.
RTSH-ja ka një buxhet shumë të kufizuar për prezantimin në “Eurovision”. Ndaj Anxhelës i është dashur që të shpenzonte, për tu paraqitur denjësisht.
