Avokati Spartak Ngjela ka komentuar “ofertën e re” të bërë nga përfaqësues të Rusisë, për Tiranë e Shkupin pas refuzimit të negociatave.
I ftuar në Real Story në News24, Ngjela tha se rusët këtë ofertë ua kanë hedhur forcave politike që ju rrezikohet pushteti. Sipas tij, përderisa Rusia është bërë pjesë e këtij debati, tregon se ata kanë informacione për atë se çfarë ndodh në Shqipëri.
“Më duket e kanë brenda politikës së tyre, ata kanë qenë gjithmonë shumë të paartikualuar politikisht, sepse e kanë zgjidhur me forcë dhe tani do ta vuajnë. Tani s’kanë forcë, por do ta vuajnë. Konflikti me Amerikën në zonë është evident. Ata janë të interesuar që të ndërhynin. Ata thonë: fakti që jeni në krizë ne ju shpëtojmë. Problemi qëndron këtu, rusët nuk janë tërësisht të painformuar. Ata ja kanë hedhur ketë ofertë forcave te caktuara qe i rrezikohet pushteti.. Tani topi është këtu, topin e ka hedh në Tiranë. Të shohim nëse do të flasë kryeministri shqiptar apo jo”, deklaroi ai.
Kujtojmë se përfaqësuesi i Rusisë në BE, Vladimir Chizhov, ftoi të gjitha vendet e refuzuara nga Bashkimi Evropian, që të gjejnë mirëkuptim dhe t’i bashkohen Bashkimit Ekonomik Eurasian.
