Nënkryetari i LSI-së, Petrit Vasili vijon me deklaratat e tij se KQZ-ja ka kryer shkatërrimin e zgjedhjeve në Shqipëri.
Përmes një statusi në Facebook, Vasili shprehet se KQZ-ja do të përgjigjet për shkeljet e bëra ndaj kushtetutës dhe shton se anëtarët e saj do të jenë të parët në postin e tyre që do dënohen edhe si kamikazë.
“E sigurt është që do të jenë të parët anëtare të KQZ në historinë e pluralizmit, që do dënohen edhe si kamikazë, edhe si shkelës të ligjit edhe si persona të trashë, që vepruan si të marrë në dëm të Shqipërisë dhe interes vetëm të Edi Ramës”, shkruan ai në postimin e tij.
POSTIMI I VASILIT
U provua që Organizata rilindase në KQZ ka kryer krimin e shkatërrimit te zgjedhjeve në Shqipëri.
Më parë ODIHR i vuri vulën regjistrimit të paligjshëm nga KQZ të Bindjes.
Gjykatat shqiptare me gjithë presionin banditesk të Ramës dhe rilindjes refuzuan të konfirmonin votimet socialiste që KQZ iu imponuan shqiptarëve në 30 qershor.
Organizata rilindase në KQZ do të përgjigjet deri në një për shkelje të kushtetutës duke rrëzuar dekretin e presidentit, për shkelje të kodit zgjedhor, për shpërdorimi të detyrës, për shpërdorim të fondeve publike për votime të paligjshme.
E sigurt është që do të jenë të parët anëtare të KQZ në historinë e pluralizmit, që do dënohen edhe si kamikazë, edhe si shkelës të ligjit edhe si persona të trashë, që vepruan si të marrë në dëm të Shqipërisë dhe interes vetëm të Edi Ramës.
