Kreu i Organizatës Botërore të Shëndetësisë, Tedros Adhanom Ghebreyesus, ka deklaruar se vendet e pasura nuk po furnizojnë me vaksina vendet e varfra.
“Vendet e pasura kanë shumicën e furnizimit“, u shpreh Tedros gjatë një konference në Gjenevë të Zvicrës.
Ai u bëri thirrje vendeve të pasura dhe atyre që po prodhojnë vaksina, të ndalonin marrëveshjet dypalëshe që janë kundër mekanizmit COVAX, që synonte të furnizonte me vaksina dhe vendet e varfra, shkruan Reuters.
Ndërsa Tedros nuk përmendi emrat e vendeve, Bashkimi Evropian tha se arriti një marrëveshje me Pfizer dhe BioNTech për 300 milion doza shtesë të vaksinës kundër COVID-19.
OBSH-ja në fillim të kësaj jave, deklaroi se struktura e COVAX kishte mbledhur 6 nga 7 miliardë dollarë që ajo ka kërkuar në 2021, për të ndihmuar financimin e dërgesave në 92 vende me mjete të kufizuara ose pa asnjë mjet për të blerë vaksina vetë.
Deri më tani, kombet më të pasura, përfshirë Britaninë, anëtarët e Bashkimit Evropian, Shtetet e Bashkuara, Zvicra dhe Izraeli kanë qenë në radhë të parë për radhët e dërgesave të vaksinave nga kompani duke përfshirë Pfizer dhe partnerin BioNTech, Moderna dhe AstraZeneca.
