Tahsim Banushaj, pronari i shtëpisë në lagjen “10 Korriku” në Vlorë të cilës iu vu tritol, ka rrëfyer momentin e parë kur bashkë me të shoqen kanë dëgjuar shpërthimin e fuqishëm.
Ai thotë se fillimisht kanë menduar se është tërmet, dhe menjëherë është ngjitur lart në banesë. Tahsim Banushaj tregon ndër të tjera se kishte dëgjuar zhurmën e një dinamiti, ndërsa ka menduar se po ndodhte një tërmet. I pyetur nëse ka konflikte me ndonjë person, pronari i shtëpisë në Vlorë sqaron se ai nuk i ka borxh askujt.
I moshuari i cili në profesion ka qënë kasap, pohon se nuk ka borxhe, konfikte, gjithashtu dhe fëmijët e tij të cilët dy prej tyre janë jashtë shtetit, ndërsa dy të tjerë jetojnë në Shqipëri.
Fatmirësisht si pasojë e lëndës plasëse ka pasur vetëm dëme materiale, ndërkohë që policia po vijon për identifikimin dhe kapjen e autorëve të ngjarjes.
“Ishim në gjumë ora 3 pa dhjetë. Dëgjojmë krismë, zhurmën e një dinamiti. Obobo tërmet i thashë gruas. Dolën gjitonit. Mora elektrikun dola lart nuk pashë asgjë. Kur erdha këtu pashë te dera. Nuk më shkon mendja te njeri.
Dikush mund të më ketë ndonjë borxh, por unë nuk i kam njeriu. Kam punuar si kasap. Ndonjë borxh, ndonjë kg mish. Fëmijët i kam të shpërndarë. Edhe mund të kenë ndërruar derë”, shprehet ai.
“Unë jetoj vetëm me gruan, fëmijët i kam të shpërndarë. Dhe djali dhe vajza jetojnë këtu, dy djem i kam jashtë. I kam fëmijë të rregullt. Policia më pyeti nëse kam pasur ndonjë konflikt”.
