Dy familje me 15 anëtarë, prej gjashtë orësh protestuan për të mbrojtur banesën ku jetojnë prej 60 vitesh në rrugën “Petro Nini”, pasi tokës ku është ndërtuar shtëpia i ka dalë pronari. Ata bënë qëndresë duke refuzuar zbatimin e vendimit të gjykatës nga ana e Përmbaruesve, me të cilët patën përplasje të forta. Duke ‘përfituar’ nga këto skena dhune, ish-kryeministri Berisha ka nxituar të publikojë një video, e bashkëngjitur saj, mesazhin se urdhrat janë dhënë prej Ramës.
“Skena te tjera barbarie midis një nëne shtatzënë, vajzës së saj katër vjeçare që e mbron atë dhe narkopolicëve të pashpirt të Edvinit dhe vasalit të tij”, shkruan Berisha.
Qytetarët nuk e kanë pritur aspak mirë këtë koment, ndërsa kanë vërshuar me një lum akuzash në drejtim të tij.
Një qytetar i drejtohet ish-kryeministrit Berisha se ai nuk ndjen aspak dhembshuri, por e përdor këtë situatë ndaj qeverisë. Ai nuk e ka lënë me kaq, por i rikujton se ka lejuar të ndërtohej me leje e pa leje.
Një tjetër koment vjen nga një qytetare, e cila i drejtohet Berishës si një vrasës. Sipas saj, Berisha vrau liderin e demokracisë Azem Hajdari, Sokol Olldashin etj.
