Masonët, Iluminati. Këto janë organizata sekrete, për të cilat shumë njerëz dyshojnë se kanë një ndikim ekstrem dhe të padrejtë mbi botën. Por ato nuk janë asgjë në krahasim me Grupin Bilderberg, që bën bashkë shumë prej njerëzve më të pasur dhe më të fuqishëm në botë, të cilët hartojnë rregullisht plane mbi çështjet globale. Po çfarë është ky grup? Dhe çfarë ndikimi ka realisht ai sot në botë?
Fillimet
Takimet e grupit nisën Hotel de Bilderberg në Osterbek të Holandës në vitin 1954. E vërteta është se organizimi nisi që në fillim 1952, si një kundërpërgjigje ndaj anëtarësimit të Greqisë dhe Turqisë në NATO, çka ia bëri të qartë shumicës së elitave të Evropës, se lufta kundër komunizmit në Bashkimin Sovjetik dhe Kinë, kërkonte një përpjekje më të koordinuar.
Në takimin e parë morën pjesë 130 njerëz, kryesisht nga Evropa dhe SHBA, dhe me profesion politikanë, biznesmenë, akademikë, personalitete të mediave etj.
Henri Kisinger
Për shumë njerëz, një nga figurat më të famshme që ka marrë pjesë më shpesh në takimet e Grupit Bilderberg, është ish-Sekretari amerikan i Shtetit, Henri Kisinger. Ai ka marrë pjesë rregullisht në takimet e zhvilluara në vitet 1990, deri vitin e shkuar. Duke marrë parasysh mbështetjen e tij për diktaturat ushtarake që shkelnin të drejtat e njeriut në Amerikën e Jugut, si në Argjentinë dhe Kili, shumë njerëz nuk do ta dëshironin ta shihnin që të kishte kaq shumë ndikim.
Protesta të vazhdueshme
Takimet e viteve të fundit të Grupit Bilderberg, janë shoqëruar me protesta me sloganet “Stop rendit të ri botëror”, ose “Shkatërroni perandorinë”. Në to kanë marrë pjesë në vitin 2012, pjesëtarë të lëvizjes se ekstremit të djathtë “Tea Party” brenda Partisë Republikane, dhe lëvizja e majtë “Occupy Wall Street”. Mes protestuesve, kanë qenë konspiracionistët e njohur amerikanë Aleks Xhons dhe Xhesi Ventura.
Akuzohet se nxiti lëvizjen kundër Brexit
Në vitin 2016, Grupit Bilderberg u akuzua se nxiti lëvizjen “Remain”, që kërkonte qëndrimin e Bertianisë së Madhe në Bashkimin Evropian. Drejtuesit e partisë nacionaliste UKIP, e akuzuan publikisht Bilderberg për mbështetjen e partive pro-BE në Britani.
Në takime ka marrë pjesë Bill Klinton, Toni Bler, Majk Pompeo dhe dhëndri i Trumpit.
Ish-presidenti amerikan mori pjesë në një takim në vitin 1991, kur ishte ende guvernator i Arkansasit, pikërisht për të garantuar zgjedhjen e tij president në vitin 1992. Kjo teori u përforcua edhe më tej kur deputeti i atëhershëm laburist, Toni Bler mori pjesë në një mbledhje në vitin 1993. Katër vjet më vonë u bë kryeministër.
Ndërkohë takimi i 13 majit 2019, tërhoqi shumë vëmendjen për shkak të pjesëmarrjes së Xhared Kushner, dhëndrit të presidentit Donald Trump, dhe Sekretarit amerikan të Shtetit, Majk Pompeo. Ky i fundit, mori pjesë për të bindur të pranishmit të mbështesnin fushatën e presionit të SHBA-së mbi Iranin.
Një qeveri botërore
Kundërshtarët e këtij grupimi, e akuzojnë Grupin Bilderberg se synon krijimin e një qeverie botërore. Shumë sekte kristiane, nuk e dëshirojnë këtë gjë, pasi kapitulli i 17- të i librit Zbulesa në Dhiatën e Re, supozohet se një qeveri e tillë parathotë ardhjen e shpejtë të Apokalipsit. Ky synim është pranuar tërthorazi në vitin 2001 nga ish-ministri britanik i Mbrojtjes, Lordi Denis Halej. “Të thuash që ne po përpiqeshim të ndërtonim një qeveri mbarëbotërore, është e ekzagjeruar, por jo plotësisht e gabuar”.
Lidhja me Rajhun e Tretë
Njëri nga themeluesit, Princi Bernhard i Holandës, akuzohet se iu bashkua Partisë Naziste në vitin 1933. Vetë ai pretendoi se e bëri këtë vetëm për të shmangur disa provime në universitet, dhe se pasi e takoi personalisht Adolf Hitlerin, donte të hiqte dorë nga shtetësia gjermane. Në fakt, kur nisi Lufta e Dytë Botërore, ai braktisi lidhjet e tij me nazistët, dhe drejtoi rezistencën kundër pushtuesve./TIRANA TODAY
