Presidenti i Bjellorusisë, Alexander Lukashenko është tallur me masat kufizuese të ndërmarra nga disa vende, si pasojë e përhapjes së koronavirusit.
Lukashenko qeshi kur i sugjeruan që Bjellorusia të merrte masa parandaluese, teksa shtoi se ai “nuk mund ta shohë virusin duke fluturuar përreth”.
Duke folur gjatë një ndeshje hokeji mbi akull, ai pohoi se turmat në ndeshje ishin të bukura sepse ftohtësia e stadiumit do të parandalonte përhapjen e virusit, raporton BBC.
“Nuk ka asnjë provë që kjo mund të ndodhë dhe koronavirusi nuk mund të shihet me sy të lirë. Këtu nuk ka viruse. Ju nuk i keni parë ata të fluturojnë përreth, apo i keni parë? A unë nuk i shoh ata. Ky është një frigorifer. Sporti, veçanërisht akulli, ky frigorifer këtu, është kura më e mirë antivirale”, tha ai.
Ndryshe nga vendet e tjera të Evropës, Bjellorusia ende nuk ka vendosur asnjë kufizim për eventet sportive.
