Rama u ka dhënë përgjigje të gjithë qytetarëve të cilët kanë ngritur dyshimet se pse nuk ka shkuar në zyrë. Kjo mos vallë lidhet me frikën? Por ai nuk e ka lënë këtë gjë në heshtje, ku përmes një video në Facebook tha se në këtë kohë, trimëria tregohet kur nuk del nga shtëpia dhe komentet i quajti të dala nga një pusetë digjitale.
“Përshëndetje miq edhe uroj të jeni të gjithë mirë, mbyllur në shtëpitë tuaja. Edhe unë në shtëpi sot dhe më vjen të qesh se ajo puseta digjitale, që e dini të gjithë ku bie, kishin hapur fjalën se nuk shkoj në zyrë nga frika.
Në zyrë kam qenë i detyruar të shkoj, se ma ka dashur puna. Por kjo është një kohë kur trimëria tregohet duke mos dalë nga shtëpia.
Dhe kur të dalësh, të dalësh i pashoqëruar, për punë të rëndësishme dhe të mos prishësh radhën apo distancat kur shkon të blesh diçka”, tha Rama.
