Prej disa kohësh këngëtarja Jonida Maliqi përflitet se është në një lidhje me aktorin e humorit Romeo Veshaj. Shpesh ata janë fotografuar duke frekuentuar të njëjtat vende, ku pak ditë më parë u publikua edhe një video e tyre së bashku. Prej ku u shuan të gjitha dyshimet nëse ishin apo jo bashkë. Pasi çifti u pa duke kaluar momente romantike në pishina e duke u përqafuar me njëri-tjetrin.
Por, deri më tani asnjëherë nuk kanë dalë publikisht e të flasin për lidhjen e tyre. Mirëpo, duket se kjo gjë do të ndodhë së shpejti. Të paktën kjo duket në promon e emisionit “3-shat” që do të drejtohet nga Bora Zemani dhe binjakët Romeo dhe Donald Veshaj.
Në puntatën e parë të emisionit do të jenë të ftuar Agron Llakaj dhe Jonida Maliqi. Dhe një nga pyetjet drejtuar Jonidës është: “Dashuria e vërtet është vetëm në përralla apo edhe në realitet?”. Menjëherë jepet momenti kur Jonida puth Romeon në faqe.
Nuk dihet nëse kjo sekuencë është vendosur për të ngacmuar publikun, apo vërtetë çifti do të dalë hapur e konfirmojë lidhjen. Por, ajo që dihet është se interesi nga fansat është shtuar së tepërmi.
