Përfundon në barazim 1-1, koha e rregullt e ndeshjes midis Anglisë dhe Danimarkës në ”Wemblew Stadium”, sfidë e vlefshme për gjysmëfinalet e ”Euro 2020”. Skuadrat do të luajnë edhe 30 minuta shtesë, për të përcaktuar finalisten e dytë, që do t’i bashkohet Italisë.
45 minutat e para ishin me ritëm mjaft të lartë, ku anglezët dominuan, por Danimarka realizoi e para.
Ai që ka befasuar “Tre Luanët” është talenti i Sampdoria-s dhe një më të kërkuarit e merkatos, Damsgaard. Një goditje dënimi perfekte nga distanca që ka befasuar Pickford.
Anglia gjeti golin e barazimit falë një autogoli dhe devijimi të pafat nga Simon Kjaer teksa tentoi të largonte pranë vijes fatale një top që u krosua nga krahu dhe po shkonte drejt Sterling i ndodhur nje hap nga porta.
