Ambasadorja e SHBA-së në Tiranë, Yuri Kim ka publikuar në llogarinë e saj në Twitter qëndrimin e kryeministrit Edi Rama në Moskë, gjatë konferencës me ministrin e Jashtëm rus, Sergei Lavrov.
Kim ka publikuar deklaratën e Lavrov që thotë se Shqipëria është në të njëjtën linjë me aleatët e mëdhenj, NATO dhe BE sepse është e detyruar. Deklaratë kjo që është replikuar nga Rama, duke sqaruar se Shqipëria nuk është e detyruar por se e ka zgjedhur vetë këtë gjë.
Postimi i plotë:
Këtu është ndryshimi
LAVROV: “Ne nuk mund të zhvillojmë marrëdhënie [bilaterale] aq intensivisht sa mundemi … por Kryeministri përmendi detyrimet që ka Shqipëria ndaj NATO-s dhe SHBA-ve në veçanti si aleati i saj …”
“Ne i dimë synimet e Shqipërisë për të filluar procesin e anëtarësimit në BE… Unë besoj se Shqipëria mund të jetë një nga ata shembuj, kur detyrimet e tyre pengojnë marrëdhënie të zhvilluara miqësore, bashkëpunim të dobishëm, të ndërsjellët në tregti, investime, dhe marrëdhënie ekonomike”
RAMA: “Unë do të shënoj në CV-në time që kam korrigjuar dikur Ministrin Lavrov. Nuk është detyrim, është zgjedhje. Ne nuk jemi në të njëjtën linjë me aleatët tanë të mëdhenj, me NATO-n ose BE-në sepse jemi të detyruar ta bëjmë, por sepse kemi zgjedhur…”
RAMA: “… Askush nuk na detyron neve. Ne kemi zgjedhur dhe jemi krenarë që i përkasim asaj familjeje të madhe.”
