Këngëtarja Jonida Maliqi ka riaprovuar romancën që ka me aktorin Romeo Veshaj, por në të njëjtën kohë është shprehur se nuk dëshiron që të nxitohet. Në një rrëfim ndryshe në rubrikën “Tani mund të këndosh” tek “E Diela Shqiptare”, këngëtarja foli për ndarjen nga bashkëshorti.
Por ajo në të njëjtën kohë tha se zemra e saj është plot, por duhet të hedhë hapa të sigurtë. Këngëtarja e njëkohësisht moderatorja, tha se tashmë e ka mbështetjen e një mashkulli, por nuk duhet të nxitohet, kjo edhe për shkak të moshës.
Pjesë nga biseda:
Ardit Gjebrea: Do doje të kishe një mashkull në jetën tënde, sepse mashkulli është një mbështetje apo jo?
Jonida Maliqi: Pa dyshim që kam nevojë për një mashkull në krah, mendoj që çdo femër ka nevojë të ketë një mashkull në krah. Do doja të kisha një shtyllë ku të mbështetesha, një përqafim të ngrohtë, dua shumë duke qenë natyrë emocionale. Dua të jap shumë dashuri dhe të jap shumë dashuri, sepse dashuria të jep shumë energji dhe të bën pozitiv. Nuk i them kurrë jo dashurisë.
Ardit Gjebrea: Është, do vijë, je në këtë moment, e ke?
Jonida Maliqi: Është, padyshim që është, por më duhet të jem e kujdesshme, nuk duhet të nxitohem.
Ardit Gjebrea: Pse?
Jonida Maliqi: Nuk dua të lëndoj askënd, edhe nuk jam më 17 vjeç.
Ardit Gjebrea: Ka mbi 20 vite që njihemi dhe sa mirë më vjen të të dëgjoj kur flet kështu dhe sa shumë je rritur.
