Në stinën e vjeshtës shtohen edhe më shumë virozat, dhe shpesh njerëzit i ngatërojnë me simptomat e koronavirusit. Kjo i ka ndodhur edhe Almeda Abazit, e cila është detyruar të bëjë testin për Covid-19, bashkë me djalin e saj Efehan.
Me zë paksa të ngjirur, ajo tregon se së bashku me të birin kanë pasur shqetësime, dhe ishin frikësuar për Covid-19. E për rrjedhojë ata i janë nënshtruar menjëherë testit, i cili ka rezultuar negativ.
“Uroj që të gjithë të jeni mirë! Siç mund ta kuptoni edhe nga zëri, unë nuk jam edhe aq mirë. Prej tre ditësh po kaloj një grip bashkë me Efehanin.
Nuk ndihemi mirë, por po e kalojmë. Gjatë kësaj periudhe është normale, sepse koha ndryshon dhe ftohemi.
Por, për shkak të frikës nga virusi, bëmë menjëherë testin dhe rezultati ishte negativ. Pra, nuk ka asgjë për t’u shqetësuar”, u shpreh ajo.
