Një dëshmi tronditëse ka dhënë në gjykatë, 58-vjeçari Koço Buzo, i cili ekzekutoi dy ditë më parë bashkëshprten e tij, Luljetën.
Ai ka deklaruar patra trupit gjykues, se nuk mban mend dhe se lajmin për vdekjen e saj e ka mësuar nga shokët.
“Nuk e di, nuk mban mend. Nuk kam qenë unë. Unë isha në shtëpi. Gruaja ka qenë në Tiranë. Kam 6 muaj që nuk flas. E mora vesh nga shokët në polici që e kam vrarë, por unë nuk e mbaj mend që e kam vrarë”, mësohet të ketë ketë thënë Buzo.
Ndërkohë, po në ditën e sotme Gjykata e Elbasanit vendosi masën e sirgurisë ”Arrest me burg” për 58 vjecarin Buzo. Pasi dëgjoi pretencën e prokurorit Petref Asllani, gjykatësi Bujar Musta gjykoi duke vlerësuar ngjarjen e rëndë që ta linte në burg.
Të enjten e 6 majit, kur ishte caktuar ballafaqimi i palëve në gjykatë, dy djemtë e çiftit po shoqëronin të ëmën, ku do zhvillohej seanca e parë e çështjes pas denoncimit të bërë për ushtrim dhune për 58-vjeçarin ndaj bashkëshortes së tij.
Por kjo seancë ka dështuar, pasi ai nuk është paraqitur në seancën gjyqësore, edhe pse kishte konfirmuar praninë e tij pas marrjes së njoftimit zyrtar.
Mësohet se viktima ishte kërcënuar nga 58-vjecari mbrëmjen e së mërkurës, që të mos shkonte në gjykatë, dhe pasi ajo e kishte refuzuar këtë kërkesë të tij, bashkëshorti i bëri pritë duke e vrarë.
Konfliktet mes çiftit kanë qenë të vazhdueshme për motive xhelozie. Ishte kjo edhe arsyeja qe 58-vjeçari ushtronte dhunë të vazhdueshme ndaj bashkëshortes së tij, e cila kërkonte t’i jepte fund, por burri nuk ndali derisa i mori jetën asaj.