Pas më shumë se 24 orësh nga rrëmbimi i një personi në Kamëz, ende nuk janë identifikuar autorët e grabitjes.
Deri më tani dyshohet se personi i marrë peng të jetë Jak Prenga, 49 vjeç nga Puka. Ai u fut me forcë në një makinë pas një sherri me dy persona dhe që atëherë nuk është parë më.
Sipas abcnews.al, Prenga rezulton i regjistruar me letra edhe me emrin Jurgen. Dyshohet se rrëmbimi ka të bëjë me mosshlyerjen e një borxhi, që ai i kishte marrë personave që iu kishte blerë automjetin.
Ngjarja ndodhi ditën e djeshme në orën 11:44, në rrugën “London”, në Kamëz të Tiranës. Dëshmitarët kanë treguar për policinë se dy personat që e kanë grabitur kanë qenë të maskuar. Autorët e rrëmbimit dyshohet se janë parë për herë të fundit në vendin e quajtur Ura Gjoles, në drejtim të Fushë Krujës.
