Ditët e fundit është lakuar deklarata e Iris Luarasit, në lidhje me disa personazhe të cilat ajo i kishte ngelur në klasë. Pedagogia e tha me mjaft krenari, e ndërsa vetë Arbana Osmani sqaroi me anë të një postimi në rrjetet sociale, se i duhej të punonte, teksa mbante edhe familjen.
Ndër emrat që Luarasi përmendi e ftuar në “Shiko kush luan”, ishte edhe Arbana Osmani, e cila nënvizonte faktin se puna e saj përkonte me orarin e mësimit të Iris Luarasit, ndaj ishte e detyruar që të zgjidhte punën.
Kjo temë ka prekur jo pak personazhe. Lidhur me këtë çështje ka folur edhe spikeri i lajmeve, Drini Zeqo. Ai ka postuar një lajm mbi deklaratën e Arbanës, dhe shkruan: “Nuk është se ai fakultet në fakt të mësonte ndonjë gjë të madhe mbi gazetarinë e radios apo televizionit. Dhe Po, ne që jemi punuar për të ndihmuar familjet apo për të mësuar ndonjë gjë më shumë kemi bërë mirë. Zysh Irisi, pedagogia e gazetarisë në Shqipëri, nuk është ndonjë gjë e madhe për t’u mburrur”.
