Këngëtarja shqiptare më famë botërore, Bebe Rexha shkeli ditën e djeshme në Bubq të Fushë-Krujës, aty ku vendosi të ndërtojë edhe banesën e familjes së Musait. E cila u shkatërrua pas tërmetit të 26 nëntorit.
Mirëpo, kjo familje ka një histori të trishtë. Aktori i humorit Bes Kallaku, përmes një postimi në “Instagram” shkruan se kjo familje, përveç shkatërrimit të natyrës, është gjithashtu e shkatërruar shpirtërisht.
“@beberexha vjen ne Bubq dhe vendos te rindertoje shtepine e shkaterruar nga termeti te familjes se Musait, i cili pervec shkaterrimit te natyres ka kohe qe eshte i shkaterruar shpirterisht.
Brenda 3 vitesh i vdiq vajza dhe me pas djali. Vajza i la jetime 2 femije te cilet jetojne me Musain dhe Sabijen. Djali para se te nisej heren e fundit ne Itali i tha Musait, heren tjeter qe do vij nga Italia do bojme shpine e re ne fshat bab. U kthye 1 muaj me pas, i pa jete nga Italia. Pa e mbajtur dot amanetin.
Lavdia e Zotit, sjell @beberexha -n ne Shqipni per ti lehtesuar dhimbjen e prinderve dhe dheun e femijeve. Musai thot qe kurdo qe ti mbylle syte, do jet i qete per nipin e mbesen sepse do e kene catine mbi koke”, shkruan Kallaku.
