Kreu i PD-së, Lulzim Basha shprehet se shumica prej deputetëve të opozitës së re kanë bërë pazare me kryeministrin Rama.
I ftuar në emisionin “Zonë e Lirë”, Basha u shpreh se dikujt “i janë falur borxhe në Kazino”, të tjerëve “mos futja në burg e të vëllait”, apo të tjera favore nga Rama dhe kështu kanë ndryshuar vendimin për të mos djegur mandatin.
“Këta janë opozita parlamentare. Këta janë Edi Rama”, tha Basha, i cili shtoi se pas kërkesës për ndalimin e koalicioneve zgjedhore qëndron dora e kreut të qeverisë.
“Edi Rama që hedh gurin e fsheh dorën dhe e bën se ka frikë nga zgjedhjet”, shtoi ai.
