Kryetari i Bashkisë së Lezhës në detyrë, Fran Frrokaj zhvilloi ditën e sotme një konferencë me gazetarët, ku u shpreh se do të ketë rezistencë gjatë kostituimit të Këshillit Bashkiak dhe betimit të kryebashkiakut të ri, Pjerin Ndreu, proces i cili do të zhvillohet nesër.
Ndër të tjera, u shpreh se Ndreun nuk do ta presë në zyrë, për arsyen se këto votime sipas tij nuk ishin të rregullta, pasi sipas tij, zgjedhjet e 30 qershorit ishin false.
“Dua t’ju falenderoj të gjithëve për një bashkëpunim të gjatë. Në një madat 4 vjeçar ishte maksimumi që mund të bënim aq me teper kur ka një pozite e cila ka tregu me vepra që nuk ka qenë dashmirës. Teorikisht me 10 korrik kam bërë 4 vite në bashkinë e Lezhë dhe duhet të lë mandatin. Mandati i kalon Kryetarit Fitues. Ndreu Nuk do ta pres në zyrë nesër, për një arsye se këto votime nuk ishin të rregullta, ishte një proces fars. Nuk do të bej protesta nuk e kam ndermend të baltosi 16 vite të punës si kryetar bashkie. I uroj mbarevajtje institucionit të bashkisë. Fajësoj gjendjen politike të vendit tim, Shqipëria nuk e meriton të jetë pas 30 vitesh demokraci në këtë situatë”, deklaroi Frrokaj.
