Pas shpalljes ”non grata” të ish-kryeministrit Sali Berisha nga SHBA më 19 maj, janë rihapur hetimet për shpërthimin tragjik të vitit 2008 në Gërdec ku pati 26 viktima, dhe për vrasjen e 4 protestuesve të 21 janarit të vitit 2011.
Këto dosje të bujshme, kanë të bëjnë me dy nga ngjarjet më të rënda, të cilat ndodhën nën kohën kur Berisha ishte kryetari i qeverisë.
Por, a ka lidhje shpallja ”non grata”, me hapjen e këtyre dosjeve. Në emisionin ”Zonë e Lirë” në Tv Klan, gazetari Arian Çani e ka pyetur Berishën, nëse pas këtyre ngjarjeve, a ka frikë se mund të arrestohet, dhe për faktin se fëmijët e tij mund të merren të pandehur.
Berisha dha përgjigje të prerë se nuk ka aspak frikë, teksa shtoi se për të nuk ka asnjëf akt apo provë të bërë publike.
Pjesë nga biseda
Arian Çani: Po nuk ke frikë, mund të arrestohesh.
Sali Berisha: Jo…
Arian Çani: Kur them frikë, nuk e them për ju, por për familjen….fëmijët mund t’i marrin të pandehur.
Sali Berisha: Le t’i marrin, që nesër le t’i marrin, dhe Shkëlzenin dhe Argitën.
Arian Çani: Pasi u shpallet non grata, u hapën dosjet e 21 janarit dhe Gëdecit.
Sali Berisha: Lidhur me 21 janarin, për serverin e vëzhgimit, nuk kam asnjë lidhje, është totalisht pronë e atyrë që ruajnë kryeministrinë. Në çdo godine qeveritare ka një dhomë që e mban siguria. Për Gërdecin? Asnjë lidhje. Në atë kohe, ka qenë nje koleg i juaji i cili ka dalë nga studio në studio ku mashtronte se une kasha dijeni. Por, kjo nuk ishte e vertete. Unë nuk kisha lidhje dhe dijeni per Gerdecin, kete e faktova. Nuk ka asnjë prove dhe asnjë lidhje. Akuzat janë të pabaza, pa asnjë fakt apo provë.
