Dje u bë virale në rrjet një video ku shikohet reperi Rigels Rajku i njohur si Noizy, duke e goditur fenomenin e rrjeteve sociale në vitet e fundit Kleviol Ahmetin, i njohur si Cllevio. E gjitha besohet se ka filluar teksa ky i fundit në rrjetet sociale ka provokuar situatën duke folur kundër anëtarit të OTR. Madje ai ka vendosur të shkojë edhe tek lokali i Noizyt në Durrës. Kjo nuk është mirëpritur mirë nga Noizy, i cili duket se gjithë këtë e pa si një provokim të situatës, e cila duket se agravoi deri në atë pikë, ku edhe kishte përleshje.
Arkimed Lushaj, reperi i njohur si Stresi, ka reaguar pas sherrit mes Noizyt dhe Kleviol Ahmetin. Në reagimin e tij, në një live në Instagram, Stresi thotë se çdokush duhet të shikojë punët e tij dhe se nuk duhet sharë me motër e me familje.
“Ndoshta keqkuptohemi. Po ju them dy gjëra shumë të rëndësishme. Unë po u’a them nuk merrem më me plehra. Shoh punët e mia, edhe ju vetë jeni fajtorë që i shtyni njerëzit, në vend se të shihni diçka ndryshe. Vetë keni qejf të shihni këso gjërash. Rrini në punën tuaj, mos u merrni me lajme, mos shani.
Unë e kam parashikuar çdo histori. Ju që ia shani motrën dikujt, familjen, mbani mend nga ky live do të ndërrojë jetë dikush. Nëse ia shani familjen dikujt, mbani mend do të dalë dikush që ka me ia fut plumb kokës. Mbajeni në mend këtë që po them”, shprehet Stresi.
“Nuk i shkohet kujt te shtëpia, me sha e me bo budallallëqe. Nuk është djalë i keq, por është i paparashikueshëm. Ka hëngër dajak, nuk ka asnjë gjë. Burrnia i ka të tjerat, jo të dal live”, tha më tej ai.
