Ish-kryeministri Sali Berisha, ka trazuar politikën shqiptare me deklaratën e tij, ku tha se nuk e përjashtonte një rikthim të mundshëm në krye të Partisë Demorkatike.
Pas publikimit të një fotoje ditën e djeshme, ku shihej me dy gishta lart mes mbështetësve të Partisë Demokratike, Berisha ka nxjerrë një tjetër foto nga arkiva e tij.
Në llogarinë e tij në rrjetin social Facebook, Berisha ka shpërndarë një foto të tij, teksa pas i është montuar flamuri i NATO-s, një nga arritjet e qeverisë së tij disa vite më parë, por dhe i Bashkimit Europian.
”No comment!”, shkruan Berisha krahas fotos të publikuar ditën e sotme.
Çfarë deklaroi Berisha
Në emisionin ”Çim Peka Live” në Syri Tv, ish-kryeministri Berisha duke përdorur shprehjen në anglisht, never say never, la të hapur mundësinë se mund të rikthehej në krye të PD.
“Kurrë mos thuaj kurrë! Never say never! E kam përdorur me Ramiz Alinë dhe e përdor sot prapë. Po ecja në një drejtim dhe kam ndërruar. Drejtimi i PD? Nuk përjashtoj asnjë të drejtë timën kushtetuese më”, tha Berisha.
