OSHEE ka njoftuar të gjithë qytetarët, se sportelet e qendrave të kujdesit ndaj klientit do të jenë të mbyllura ditën e shtunë dhe të dielë, por do të hapen sërish ditën e hënë.
Njoftimi i OSHEE-së:
Të nderuar klientë! Furnizuesi i Shërbimit Universal (FSHU Sh.A), pjese e OSHEE Group, njofton abonentët se sot, të shtunën dhe te dielën, respektivisht 20, 21 dhe 22 Mars 2020, sportelet e qendrave të Kujdesit ndaj Klientit (KNK) janë mbyllura në të gjithë vendin. Zyrat e KNK do të nisin punë të hënën, 23 mars, ora 07:00. Për çdo nevojë për tu informuar apo raportuar ndonje problem, mund te telefonojnë në numrin e shërbimit call center 04 227 41 41. Faleminderit.
Numri i prekurve me Covid-19 në vendin tonë ka shkuar në 65. Rasti i fundit është një 65-vjeçar nga Patosi, e cila u nis me urgjencë drejt Spitalit Infektiv. Dje u konfirmuan edhe tri italianë të prekur nga Covid-19, që janë shtetasit e parë të huaj që rezultojnë pozitivë.
Pavarësisht thirrjeve të vazhdueshme të kryeministrit Rama, për të respektuar vetë-karantinimin, nga ana e qytetarëve ka shumë shkelje.
Qytetarët akoma nuk janë ndërgjegjësuar që këto dy fasha orari janë vendosur që të kenë mundësi për të shkuar-ardhur në punë, apo për të bërë blerjet jetësore si ushqimet apo ilaçet.
