Siç dihet gjerësisht tashmë, Liverpool është shpallur kampion i Anglisë pas 30 vitesh pritje.
Skuadra e famshme ka tifozë të shumtë, mirëpo së fundmi të gjithëve na ka tërhequr vëmendjen një gjest i një shqiptari të quajtur Ukë Krasniqi.
Me bindje të plotë mund të themi se personi në fjalë është tifozi shqiptar më i “çmendur” pas Liverpool.
Që prej vitit 2003 ai mori vendimin për të mos i prerë flokët, deri sa skuadra e tij e zemrës të shpallet kampione.
“Në momentin që kapiteni Jordan Henderson ta dërgojë trofeun lart, unë do të qethem”, mësohet të jetë shprehur ai.
Dhe momenti i shumëpritur për të erdhi!
Krasniqi ka publikuar një video në rrjetin social Facebook, teksa shfaqet duke u qethur dhe shijuar çastet e ngritjes së trofeut nga kapiteni i Liverpool.
https://www.facebook.com/uke.krasniqi/videos/10158592668246550/
Veprimet e jashtëzakonshme nga ana e tifozëve sigurisht që nuk kanë të sosur, por realisht, një veprim si ky i Krasniqit të lë pa fjalë!
